Ikus-entzunezko berezia 2018-04-12

Lazkao Txiki denboraren ispilutik

Aurten mende laurdena bete da Joxe Migel Iztueta "Lazkao Txiki" bertsolari maitatua hil zenetik. Berari buruzko ikus-entzunezko berezia prestatu dugu, Lazkao Txiki hil zen urtean jaiotako Edurne Azkaratek gidatua. Ane Labakaren bertso bidezko gogoetak eta Iñaki Murua bertsolagunaren hitzak ere jaso ditugu lanean.

 Mende laurdena bete da Lazkao Txiki bertsolari maitatu eta ezaguna hil zenetik. Bertsozale askoren memorian iltzatuta geratu ziren haren bertso, pasarte eta ateraldiak. Baina mende laurden honetan, asko aldatu da Euskal Herria, eta baita bertsogintza ere. Garai hartan jaio zirenentzat, nor da Lazkao Txiki?

 "Lazkao Txiki denboraren ispilutik"

 Galdera horri erantzuna eman nahian, Edurne Azkarate aurkezle duen programa berezia prestatu dugu. Lazkao Txikiren bertso onenen bilduma eskaintzeaz gain Iñaki Murua bertsokidearen testigantza jaso dugu. Eta Ane Labakak bertso bidezko gogoeta bat ere egingo digu. Umorea genero perspektibatik aztertzen ari da lasartearra, eta horren inguruko gogoeta egingo digu.

Albiste gehiago

Bizkaiko Bertsolari Txapelketa 2018-12-11

Final parekidea eta parekatua Bizkaian

Mintzola Ahozko Lantegiak eta Etxepare Euskal Institutuak 2018-12-05

What is Bertsolaritza? Bertsolaritza nazioartean aurkezteko ikus-entzunezkoa