2018ko Gipuzkoako Eskolarteko Txapelketa - Finala 2018-04-23

Oihana Aranak jantzi du 2018ko Gipuzkoako Eskolarteko txapela

Lasturreko Arraun Handi baserriko jatetxea areto bihurtu eta 140 bertsozale bildu ziren bertan 2018ko Gipuzkoako Eskolarteko Txapelketako finalaz gozatzeko. Oihana Arana  eskoriatzarra nagusitu zen saioan eta bere atzetik sailkatu zen Aner Peritz zarauztarra.  Irabazleari, Joxe Angel Salegi Arriola "Lizarreta" bertsolari lasturtarrak jantzi zion txapela. Gai- jartzaile lanak Iker Iriartek egin zituen. Lehen bi sailkatuekin batera oholtzan kantuan aritu ziren Imanol Albizu, Haizea Arana, Uxue Alkorta, Aitor Tatiegi, Oihana Labiano eta Maddi Aiestaran.

Finaleko lehen bi sailkatuek ekainaren 9an Saran (Lapurdi) ospatuko den Euskal Herriko Eskolarteko Txapelketan kantatuko dute.