2018ko Nafarroako Bertsolari Gazteen Txapelketa 2018-04-23

Xabat Illarregi txapeldun Iruñean

Bertsozaleek ez zuten hutsik egin eta goraino bete zuten Iruñeako Maravillas gaztetxea. Ekhiñe Zapiainekin buruz-burukoa jokatu ostean Xabat Illarregik jantzi zuen txapela Alaitz Rekondo Nafarroako Bertsozale Elkarteko lehendakariaren eskutik. Asier Garciak egin zituen gai-jartzaile lanak. Lehen bi sailkatuekin batera oholtza gainera igo ziren Idurre Villanueva, Zuhara Zaratiegi, Amaia Lasheras, Enma Murillo, Beñat Astiz, Etxahun Azkarraga, Iratxe Muxika, Uxue Mesa eta Ekain Alegre. Azken honek , bertsolarien jarrera, ahalegina eta umorea goraipatzea helburu duen entzulearen saria irabazi zuen.

2018ko Nafarroako Bertsolari Gazteen finalean lehen bi postuetan sailkatuta Xabat Illarregik eta Ekhiñe Zapiainek Nafarroa ordezkatuko dute ekainaren 9an Saran ospatuko den Euskal Herriko Eskolarteko txapelketan.