Alberto Irazu - Rocka Puntua! liburuaren egilea 2018-05-03

"Bertsolaritzak ikasi ditu rock&roll eta twist"

Mende erdi luze pasa da Uztapideri "Ikasi al dituzu/rock&roll eta twist" puntua jarri ziotenetik. Alberto Irazuk (Andoain 1970) bertsolaritza eta rockaren arteko harremana aztertu du Rocka puntua! lanean. Sareko plazari adierazi dionez, bertsolaritzak bai ikasi ditu rock&roll eta twist baina, era berean, oraindik bertsolaritzan lanketa eremu zabala ikusten du rock erritmoen inguruan.

Errobi eta Bertso Hop
Erreferentzia gisara grabatutako lehen diskoa hartuta, Errobi taldea izan da bertsoa eta rock uztartzen lehena, Gure Lekukotasuna diska 1975an, Daniel Landarten bertsoekin. 80. hamarkadan, Andoaingo gaztetxe bueltako rock giroan bertsoak izan zuen presentzia handia aztertzen du egileak eta 1990ean etorri zen eztanda, batez ere Negu Gorriak taldearen Bertso Hop kantuarekin, Peñagarikano eta Egañaren txapelketako bertso haiekin.

Elkarrizketa honetan Alberto Irazuk Rocka puntua! liburua idazteko motibazioak eta bere tesi nagusiak plazaratzen ditu.