Larunbatatean jokatu zen 2018-05-21

Elixabet Etxandi irabazle Xapelgoan

Lapurdi, Baxenabarre eta Xiberoko eskolarteko Xapelgoaren finala jokatu zen larunbatean Hazparnen, Haritz Barnea zineman. Ekhi Perrier, Hodei Renteria, Irati Alcantarilla, Josebiñe Agirre, Elixabet Etxandi eta Julen Etxeberri aritu ziren kantuan, Julene Etxeberrik gaiak emanda. Zortziko handi, txiki, puntu erantzuna, habanera oinak emanda eta bakarka aritu ziren bertsotan. Izpurako Elixabet Etxandi Goienetxek jantzi zuen txapela bertsotan oso maila ona erakutsita. Miren Artetxeren eskutik jaso zuen txapela.

Epaile lanetan, Jexus Arzallus, Joakin Arregi eta Lierni Elortza aritu ziren. Eta sariak ematen oholtza gainean, Miren Artetxe eta Ortzi Idoate bertsulariak.

Euskal Herriko finala Saran ekainaren 9an
Lapurdi, Baxenabarre eta Xiberoko finala jokatuta, erabakita gelditu da Euskal Herriko finalean kantatuko dute taldea: 

Lapurditik: Hodei Renteria eta Irati Alcantarilla;
Baxenabarretik: Elixabet Etxandi eta Julen Etxeberri;
Xiberotik: Haritz Capot;
Gipuzkoatik: Haizea Arana eta Aner Peritz;
Arabatik: Aitor Ugarte eta Aroa Arrizubieta;
Bizkaitik: Gorka Pagonabarraga eta Iruri Altzerreka; 
Nafarroatik: Xabat Illarregi eta Ekhiñe Zapiain.