Beñat Gaztelurrutia - lankuko Administrazio kontseiluko lehendakaria 2018-06-14

"Lanku jauzi bat emateko moduan dago eta horretan ari gara"

Lanku jauzi bat emateko baldintzetan dagoela uste du Beñat Gaztelurrutiak, Administrazio Kontseiluko lehendakari berriak, eta horretan ari lan talde osoa lanean. Abadiñarrak iaz hartu zuen lekukoa Iñaki Muruaren eskutik. Gaztelurrutia Jon Lopategiren eskutik plazaratutako belaunaldi hartako kide da (Iturriaga, Elortza..). Gaztetan bertsolaritza bere bizitzan "oso zentrala" izan zela dio, eta badu plazako eskarmentua ere. Bizkaiko finalean ere bi aldiz kantatua da. Handik gutxira, Durangoko Plateruena Kafe Antzokiko kultur proiektuan murgildu zen eta urteak egin ditu zeregin horretan.

Elkarrizketa honetan, Gaztelurrutiak Lankuren eskaintza eta etorkizuneko lehentasunak aletzen ditu.