Bertso Udalekuak 2018-07-05

Orion hasiko dira Bertso Udalekuak

 Iritsi da uda eta udarekin batera, urtean zehar bertsolaritza lantzen aritu diren gazte eta gaztetxo askok hain gustuko duten ekimena ere bai: Bertso Udalekuak.

 Orion lehendabiziko txanda

 Larunbat honetan abiatuko dira aurtengo Bertso Udalekuak. Orion izango da lehendabiziko txanda, Itxaspe baserrian. Uztailaren 13ra arte bertan ibiliko dira, elkarrekin harremanak sendotu eta bertsolaritza ezagutzen.

 200 gazte eta gaztetxo

 Aurtengoan 9 eta 18 urte bitarteko 200 gazte eta gaztetxo elkartuko dira Bertso Udalekuetan. Bost txanda izango dira. Orion (Gipuzkoan) uztailaren 7tik 13ra bitarte izango da lehendabiziko txanda eta ondoren etorriko dira Irañeta (Nafarroa), Muxika (Bizkaia), Idauze-Mendi (Zuberoa) eta Zuhatza.