Lazkao Txikiri omenaldia 2018-09-24

Lazko Txiki, etxean profeta

Bertsozaleen omenaldia eta maitasuna jaso zituen atzo Joxe Migel Iztueta Lazkao Txiki zenak, Abalin bere baserrian. Ekitaldi jendetsua izan zuen heriotzaren 25garren urteurrenean. Felipe Barandiaran ilobak bota zuen lehen bertsoa Abalin etxe barrutik. Euxebio Igartzabal, Mikel Mendizabal eta Millan Telleria aritu ziren ondoren. Xabier Amurizak ere parte hartu zuen ekitaldian, bertso eta istorioak plazara ekarriaz. Azkenik Eñaut Agirrek Unai Agirrek ere Lazkao Txikiren zenbait sorta eta haren gustukoak ziren bertsoak ere kantatu zituzten. Ez zen umeen bertsorik eta soinurik ere falta izan Abaline baserrian.

Ikusi ekitaldiaren laburpena Goierriko Hitzak sarean jarri duen bideoan.

(Argazkiak: Goierriko Hitza)