Heriotza 2018-11-15

Aitor Sarasua Maritxalar zendu da

Lehenengo bertso-eskoletako belaunaldi oparo hartako kide, bat-bateko bertsogintza eta bertsolaritza eragiletza jorratu zituen.

Aitor Sarasua Maritxalar bertsolaria eta bertsolaritza eragilea zendu da Itsasun. Aretxabaletan sortu zen 1967an eta lehenengo bertso-eskoletako belaunaldi oparo hartako kide izan zen, besteak beste, Arantzazu Loidi, Jon Iñaki Izarzelaia, Danel Goikolea eta anaia Jonekin batean, Almen bertso eskolan.

Eskolarteko eta gazte sariketan kantatua, baita Gipuzkoako zein Euskal Herriko Txapelketan ere. 1993ko Txapelketa Nagusian finalaurrekoetan kantatu zuen. Plazan ere ibili zen Aitor, belaunaldi ezberdinetako bertsolariekin bertsotan.

Fauna Txiki bat bertso berritan
Bat-bateko jardunaz gain, 1994an bertso jarri musikatuetan ere mugarri izan zen lana plazaratu zuten Aitor Sarasua eta Jon anaiek: Fauna txiki bat bertso berritan, garaiko egoera sozial, politiko eta euskalgintzaren inguruko ikuspegia kritikoa plazaratuz. Arrakasta handia izan zuen lanak. 

Bertsularien Lagunak eta Bertsozale Elkartean
Itsasun bizi zelarik, Aitor Sarasuak urteetako lana egin du Bertsularien Lagunak Elkartean ere, zeregin desberdinetan. Euskal Herriko Bertsozale Elkarteko zuzendariza kide ere izan zen urte askoan.

Hileta, larunbatean 11:00etan, Itsasuko elizan.


Bertsularien Lagunak Elkarteak eskainitako bertsoa

Bizitzaren maitale
eta zerbitzari,
etxekoei emana,
lotua hitzari,
hain adar hauskorrean
zenbiltzan dantzari,
ez zitzaion gehiago
gelditzen ertzari,
agur ta mila esker
gure txepetxari.

 

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin