Disko berria 2018-11-27

Bertsoak ere badu 'Hezurbeltzak' talde berriaren lehen diskoan

Bertsoak ere badu 'Hezurbeltzak' talde berriaren lehen diskoan

Jon Maia bertsolariak eta Gorka Hermosa eta Jose Antonio Sori Pitti musikariek, Hezurbeltzak taldea sortu dute eta diska berria atera. Kantu eta testuetan besteak beste emigrazioa, gizarteko pertsonaia baztertuak eta horien inguruko istorioak plazaratzen dira, poetika, kritika, umorea eta edertasuna uztartuz eta atrezzo eta giro bakan baten baitan aurkeztuak.

1997ko agurreko bertsoa abiapuntu
Lauaxeta eta Lorca poeten inguruko lanean elkarrekin aritu ziren hirurak eta horren garapenetik etorri da lan berri hau, Jon Maiak Bertsoa.eus-i aitortu dionez.

Gaiak, ordea, soka luzea du eta Jon Maiak berak 1997ko Txapelketa Nagusiko finalean, bukaerako agurrean bota zuen bertsoak ematen dio sarrera diskoari:

Ama Extremadura
Aita Zamoratik
Abuela ta abuelo
herri hontan sustraitzen
asmatzeagaitik
neuk'e maita dezaket
guztien gainetik
Euskeraz badakit
bertsoz darabilkit
dena zuengatik
halaxe dagokit
Denek kantatu dute
nere ahotik. 

Horrez gain, beste hamaika kantu biltzen ditu diskak, horietako hiru kopla formatukoak, horietako bat Maiak berak asmatutako doinu batean jarriak.

Emanaldietan, bat-batean ere bai
Hezurbeltzak taldearen emanaldietan bat-bateko bertsogintzak ere izango du tarterik, Jon Maiak sareko plazari aurreratu dionez eta kontzertuetan bi tarte eskainiko dizkio bat-bateko sorkuntzari.

Albiste gehiago

Bizkaiko Bertsolari Txapelketa 2018-12-11

Final parekidea eta parekatua Bizkaian

Mintzola Ahozko Lantegiak eta Etxepare Euskal Institutuak 2018-12-05

What is Bertsolaritza? Bertsolaritza nazioartean aurkezteko ikus-entzunezkoa