Bizkaiko Bertsolari txapelketa 2018-12-03

Jone Uria irabazle azken finalaurrekoan eta finalistak erabakita

Jone Uriak irabazi du Bizkaiko Bertsolari Txapeletako azken finalaurrekoa, Lekeition. Algortako bertsolariak finalerako txartela eskuratu du zuzenean eta jada erabakita dago Bilbon izango den zortzikotea.

Santi Brouard kiroldegia jokatu zen saioa eta honela gelditu zen sailkapena:

1- Jone Uria Albizuri                           508,5
2- Etxahun Lekue Etxebarria               502
3- Ibon Ajuriagojeaskoa Garmendia     468,5
4- Ander Elortegi Garatea                   462,5
5- Txaber Altube Sarrionandia            457
6- Arrate Illaro Etxebarria                  455

Lekeitoko bertsoaldi hautaketa sarean dago jada.

Aitor Bizkarra finalista berria
Aurtengoan ere final parekidea utzi du Bizkaiko bertsolari Txapelketak. Bestalde, zortzitik bat berria izango da finalean, Aitor Bizkarra abadiñarra. Honako hau da zortzikotea:

    Miren Amuriza Plaza
    Nera Ibarzabal Salegi
    Jone Uria Albizuri
    Xabat Galletebeitia Abaroa
    Etxahun Lekue Etxebarria
    Onintza Enbeita Maguregi
    Eneko Abasolo Txabarri 'Abarkas'
    Aitor Bizkarra Ruiz

 

Finala abenduaren 15ean jokatuko da, 17:00etan, Bilbao Arenan. Finaleko ateak 15:30ean zabalduko dira.

Bertsosarrerak.eus
Finaleko sarrerak erosteko bide desberdinak daude. Alde batetik, www.bertsosarrerak.eus webgunean eskura daitezke. Beste alde batetik, Durangoko Azokako Bertsozale Elkartea-Lankuren stand-ean ere eskuratu ahal izango dira. Azkenik, finalaren egunean bertan txarteldegia zabalduko da Bilbao Arenaren kanpokaldean, 12:30etik aurre