Hirugarren edizioa 2019-01-29

Bertso Erronda Bilbon

Bertso Erronda lehiaketako hirugarren edizioa abiatuko dute gaur Bilbon, Alde Zaharrean. Guztira 24 bertsolarik hartuko dute parte. Lau kanporaketa eta finala izango ditu ekimenak. Astero jokatuko dira saioak, 19:30etan hasita. Finala otsailaren 28an, Zazpikatu gaztetxean.

Lau kanporaketak
Lehenengo kanporaketan ariko direnak: Maddalen Ruesgas, Ander Anakabe, Urko Arregi, Paule Loizaga, Igor Galartza eta Nahia Ibarzabal, Adaxka kultur elkartean. 

Bigarren saioa otsailaren 5ean, Errondabide tabernan: Mikel Aiartzaguena, Aissa Intxausti, Maider Barañero, Lierni Rekondo, Jon Ander Oregi eta Kerman Diaz.

Otsailaren 12an hirugarren La Villa tabernan: Unai Mendiburu, Maite Sarasola, Asier Alcedo, Ane Peñagatikano, Enare Muniategi eta Gontzal Belategi.

Laugarren kanporaketa, Bira tabernan, otsailaren 19an: Ander Ucelay, Garazi Navarro, Aitor Zelaieta, Lurdes Ondaro, Iraitz Mateo eta Aritz Landeta.