Eskolarteko txapelketak 2019-04-03

Gipuzkoako Eskolartekoaren finala, ostiral honetan Lasturren

Osatu da Gipuzkoako Eskolarteko Txapelketaren finala. Bost kanporaketa egin ostean, hauek dira apirilaren 5ean Lasturren kantatuko duten zortzi bertsolariak: Aitor Tatiegi Loidi, Uxue Alkorta Iturbe, Aner Peritz Manterola "Euzkitze", Haizea Arana Cardenal, Imanol Albizu Gurrutxaga, Oihana Arana Cardenal, Igauri Lopetegi Amostegi eta Maddi Aiestaran Iparragirre.

Saioa afalostean izango da Lasturko plazako tabernan. Afaritarako txartelak www.bertsosarrerak.eus atarian eskuratu ahal izango dira.

Aurtengo Eskolartekoa ekainaren 8an amaituko da, Saran. Lurraldeetako eskolartekoetako parte hartzaileak eta bertsozaleak gonbidatuta daude jai-giroan ospatuko den egunera.