Plazatik Gaztetxera 2019-04-03

Plazatik Gaztetxera txapelketa, azken txanpan

Lehenengo faseko saio guztiak eginda, bigarren fasean sartu da Plazatik Gaztetxera txapelketa. Hasierako 24 bertsolarietatik erdiek egin dute aurrera Ondarroan, Itziarren, Mutrikun eta Zestoan egindako saioetatik. Hauek izan dira bigarren faserako sailkatuak: Oier Etxeberria, Lurdes Ondaro, Ane Beloki, Aner Peritz, Oihana Arana, Aitor Tatiegi, Irati Alcantarilla, Antton Aizpurua, Urko Arregi, Mikel Iturriotz, Alexander Idoeta eta Peru Aiartza.

Datozen bi larunbatetan Elgoibarko eta Eibarko gaztetxeetan egingo diren finalerdietan erabakiko da zeintzuk osatuko duten finaleko seikotea. Finala Debako gaztetxean jokatuko da, apirilaren 27an.

Saio guztiak 22:30ean hasiko dira, eta aurretik afaltzeko aukera egongo da gaztetxean bertan, 20:30ak aldera. Finaleko egitaraua egun osokoa izango da; saioa goiz eta arratsaldez egingo da, eta bazkaria eta kontzertuak antolatuko dira.