Eskolarteko txapelketak 2019-04-08

Xabat Illarregi, Nafarroako Eskolartekoan txapeldun

Hamabost bertsolari gaztek kantatu zuten joan den ostiralean Nafarroako Eskolarteko Txapelketan, eta Xabat Illarregi leitzarrak jantzi zuen txapela. Ekiñe Zapiain beratarrak eta biek ordezkatuko dute Nafarroa Euskal Herriko Eskolarteko Txapelketan, ekainaren 8an Saran.

Ekain Alegre, Lide Arrieta, Beñat Astiz, Etxahun Azkarraga, Olatz Bados, Bittori Elizalde, Amaia Lasheras, Uxue Mesa, Enma Murillo, Iratxe Muxika, Ane Telletxea, Idurre Villanueva del Burgo eta Zuara Zaratiegi izan ziren Arantzako eskolan kantari aritu ziren beste bertsolariak.

Xabat Illarregik Nafarroako bertsolari gazteen "maila altua" nabarmendu zuen saio osteko elkarrizketan, eta Ekiñe Zapiainek Sarara "bertsotan gozatzera" joango dela adierazi zuen. Albistean entzungai dago bi sailkatuen elkarrizketa osoa.