Gazte sariketak 2019-04-08

Ane Zuazubiskarrek irabazi du Osin Berde saria

Argazkia: Zaldibiako Herri Ataria

Oier Etxeberria da Osinalderako bigarren sailkatua

Ane Zuazubiskarrek eskuratu du Zaldibiako Joxepanen jokatutako VII. Osin Berde saria. Oier Etxeberriak egin zuen bigarren, eta hortaz, biek izango dute Gabiriako Osinalden kantatzeko aukera.

Pasa den larunbatean egin zuten saioa, eta kantuan izan ziren baita ere Ane Beloki, Unai Anda, Markel Eizagirre eta Andoni Mujika. Ikusleen saria ere Ane Zuazubiskarrek jaso zuen.

Finaletik saio batera

Ane Zuazubiskar eta Oier Etxeberriarekin batera, Ordiziako saiotik sailkatutako Danel Olano eta Eli Pagola ere arituko dira finalean. Saio bat baino ez da falta finala osatuko duen seikotea ezagutzeko. Aste honetan izango da azken saioa, Gabiriako Aztiri Bat elkartean. Kantuan, honako hauek: Peru Abarrategi, Ibai Amillategi, Josune Aramendi, Joanes Illarregi, Beñat Mujika eta Ane Peñagarikano.

Finala apirilaren 27an jokatuko da, Gabiriako Osinalde elkartean.