arabako bertsolari gazteak 2019-04-17

Maiatza, hilabete oparoa Arabako bertsolari gazteentzat

Arabako bertsolari gazteek sormenerako eta gozamenerako hainbat aukera izango dituzte maiatzean zehar. Batetik, Bertsolari Gaztetxoen XXIV. Eskolarteko Idatzizko Txapelketan parte hartzeko aukera izango dute; bertso-sortak maiatzaren 6a baino lehen bidali beharko dituzte, eta finala maiatzaren 25ean egingo da Zigoitian. Oinarriak eta informazioa hemen.

Finala baino lehen, eskualdeetako topaketak egingo dira egun hauetan:

-Maiatzaren 10ean Lautadako topaketa

-Maiatzaren 17an Gorbeialdeko topaketa

-Maiatzaren 17an Mendialdeko topaketa

-Maiatzaren 17an Aiaraldeako topaketa

-Maiatzaren 19an Gasteizko topaketa

-Maiatzaren 19an Arabar Errioxako topaketa

Bertsoa Bizi Gazte lehiaketa, azken txanpan

Duela bi hilabete ireki zen Bertsoa Bizi Gazte bideoklip lehiaketa, eta maiatzaren 6an amaituko da lanak bidaltzeko epea. Taldeka parte hartzeko aukera dago (3-8 lagun), eta bertsoak musikatuz, abestiei letrak aldatuz edota rap moldeetan grabatu daitezke bideoak, euskara hutsean.

Maiatzaren 11an Bertsoa Bizi Gazte eguna ospatuko da Legution, eta egitarau bete-betea antolatu dute denen gozamenerako. 

Sariei eta oinarriei buruzko informazio gehiago www.nibanaxarabakoa.eus atarian.