Argitalpenak 2019-04-17

Juan Mari Lekuonak idatzitako bertsoak, argitara

"Juan Mari Lekuona. Bertsoak" izenburupean, poetaren bertsozaletasuna eta bertsogile sena azaleratzen dituen liburua editatu dute Jon eta Paulo Kortazarrek, EHUko irakasleak eta literaturan adituak biak. Pamiela argitaletxeak eman du argitara.

Familiak gordeta zeuzkan bi eskuizkribu daude lan honen oinarrian: "Nere olerki eta kantak" deituriko koadernoa, eta "Egutegia 1999" izeneko agenda. Bertan bildu zituen Juan Mari Lekuonak (1927-2005) urtez urte idatzi zituen bertsoak.

"Maitasunez" egindako testuak direla adierazi zuten aurkezpenean, eta inguruko pertsona asko agertzen direla bere bertsoetan.