bertsolamintza 2019-05-09
Maiatzaren 2an Iruñeko Zaldiko Maldikon ordu erdiko hitzaldi bana eskaini zuten Amaia Agirrek eta Sustrai Colinak, Bertsolamintza jardunaldien lehen saioan.
Amaia Agirrek “Saio-formatuen inertziak” izan zituen mintzagai, baina gaia aztertzen hasi ahala jabetu zen saioen egituraz gain, bestelako inertzia asko daudela denon baitan, gero bertsolarien jardunarengan eragiten dutenak. "Estereotipoek daukaten indarra, zein bertsolari egokitu zaizkizun, lekuaren garrantzia, nolako gaiak jartzen dituzun...", zerrendatu du. "Inertziaz egin ditugu mila gauza".
Inertziei jarraitu edo ez, aldea dago, eta bertso saioek emaitza desberdinak ematen dituzte. Bere bizipenek irakatsi diotenetik abiatuta, orain gai-jartzaile bezala jarduten duenetan "oharkabean" eragiten diren iraultza txikiei erreparatzen saiatzen dela aitortu du.
Oholtzakideei galdezka
Hiltzaldia prestatzerakoan hainbat bertsolariri eta gai-jartzaileri eskatu die iritzia Amaia Agirrek, eta oro har, denek nabarmendu dute egituraz haratagoko inertzien eragina. "Bakoitzari zer eskatzen diogun, zer jartzen diogun, autoritatea zeini ematen diogun, legitimitatea zeini...". Bide horretan zer pentsatua eta zer hausnartua badagoela iruditzen zaio, faktore horiek "asko baldintzatzen dutelako" egitura bera.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15