Gazte sariketak 2019-05-14

Ane Zuazubiskar nagusi B-Lañon sariketan

VI. B-Lañon sariketak badu irabazlea: Ane Zuazubiskarrek eraman du saria etxera. Gernikako B-Lañon gazte lokala goraino bete zen eta giro ederrean joan zen saioa.

Zortzi bertsolariek bikoteka kantatu zuten hasieran: Paule Loizaga eta Aissa Intxausti; Peru Berazategi eta Aratz Igartzabal; Eli Pagola eta Mikel Retolaza; Ane Zuazubiskar eta Asier Galarza. Ondoren, bikoteak hautsi eta bigarren fasera banaka sailkatu ziren honako hauek: Mikel Retolaza, Asier Galarza, Aratz Igartzabal eta Ane Zuazubiskar. Azken biek jokatu zuten buruz burukoa, eta Ane Zuazubiskarrek eskuratu zuen txapela. 

Bertsorik onenaren saria Asier Galarzak irabazi zuen, eta gai-jartzaile lanak Unai Agirrek egin zituen.