eskolarteko txapelketak 2019-05-28
Guztira 13 parte-hartzaile izango ditu 2019ko Euskal Herriko Eskolarteko Bat-bateko Txapelketak. Edonola ere, beste hainbat lagunek ere hartu du parte lurraldez lurralde Eskolarteko egitasmoan. Apirilean ezagutu genituen Gipuzkoako eta Nafarroako bertsolari sailkatuak, gerora Arabako, Baxenabarreko, Lapurdiko eta Zuberoakoak, eta, azkenik, pasa berri den asteburuan jakin dugu zeintzuk izango diren ordezkari bizkaitarrak.
Ekainaren 8an izango da Saran, hirugarrenez, Euskal Herriko Eskolartekoa. 11:00etan jokatuko da XXXI.bat-bateko txapelketa, Sarako trinketean. Hauek izango dira parte-hartzaileak: Arabatik, Aroa Arrizubieta eta Aitor Ugarte; Baxenabarretik, Ekhi Perrier eta Unai Harluxet; Bizkaitik, Maite Sarasola eta Bittor Altube; Gipuzkoatik, Aitor Tatiegi eta Aner Peritz "Euzkitze"; Lapurditik, Naia Etxeberri eta Irati Alcantarilla; Nafarroatik, Xabat Illarregi eta Ekhiñe Zapiain; eta Zuberoatik, Leire Casamajou. Julene Etxeberrik jarriko ditu gaiak eta Joana Itzainak egingo ditu harrera eta amaierako aurkezle lanak
Irabazleari Maddi Sarasuak jantziko dio txapela, Aitor Sarasuari esker onez eta Sarasua sendiaren izenean.
Eman izena bazkaritarako
Bat-bateko finalaren ondotik, otordua eskainiko da Sarako Lur-Berri aretoan, 15:00etan, Iparra-Hegoako kideen eskutik. Txartelak eskuragai daude www.bertsosarrerak.eus atarian 15 euroren truke. Igandera arte egongo dira eskuragai.
Zure inguruan Sarara joateko autobus zerbitzurik antolatu ote den jakiteko, jarri harremanetan zure lurraldeko Bertsozale Elkartearekin.
Larunbatean 21:00etan ETB1n 2024-11-14
Larunbatean 21:00etan ETB1n 2024-11-07
Datorren astelehenean hasiko da Bilbon 2024-10-31
Eneko Lazkoz Martinez - Bertsolari Bertsozale Podkasta 2024-10-25
‘Bertso Bira’ Gipuzkoako Foru Aldundia eta Lankuren eskutik 2024-10-24
