Festetako saioak 2019-06-03

Bertsoaz gozatzeko aukera Beasaingo Loinatz festetan

Badator uda giroa, eta horrekin batera iritsiko dira hainbat herritako festak. Beasaingoak hasi ziren joan den maiatzaren 31an, eta ohi bezala, bertsolaritzak izango du bere lekua egitarauan. Ekainaren 4an, asteartean, bi bertso saio antolatu dituzte; bata 13:00etan Bideluzen, eta bigarrena 19:00etan Loinazko San Martin plazan.

Kantuan Maddi Aiestaran, Sebastian Lizaso, Aitor Sarriegi eta Iker Zubeldia arituko dira bi saioetan, eta Igor Egurenek egingo ditu gai jartzaile lanak.