eskolarteko txapelketak 2019-06-05
Ekainaren 8an jokatuko da 2019ko Euskal Herriko Eskolarteko Bat-bateko Txapelketa. Hainbat lagunek hartu du parte lurraldez lurralde Eskolarteko egitasmoan, eta horietako 13 izango dira Saran kantuan arituko direnak. Apirilean ezagutu genituen Gipuzkoako eta Nafarroako bertsolari sailkatuak, gerora Arabako, Baxenabarreko, Lapurdiko eta Zuberoakoak, eta, azkenik, ordezkari bizkaitarrak.
11:00etan jokatuko da XXXI.bat-bateko txapelketa, Sarako trinketean. Hauek izango dira parte-hartzaileak: Arabatik, Aroa Arrizubieta eta Aitor Ugarte; Baxenabarretik, Ekhi Perrier eta Unai Harluxet; Bizkaitik, Maite Sarasola eta Bittor Altube; Gipuzkoatik, Aitor Tatiegi eta Aner Peritz "Euzkitze"; Lapurditik, Naia Etxeberri eta Irati Alcantarilla; Nafarroatik, Xabat Illarregi eta Ekhiñe Zapiain; eta Zuberoatik, Leire Casamajou. Julene Etxeberrik jarriko ditu gaiak eta Joana Itzainak egingo ditu harrera eta amaierako aurkezle lanak
Irabazleari Maddi Sarasuak jantziko dio txapela, Aitor Sarasuari esker onez eta Sarasua sendiaren izenean.
Eman izena bazkaritarako
Bat-bateko finalaren ondotik, otordua eskainiko da Sarako Lur-Berri aretoan, 15:00etan, Iparra-Hegoako kideen eskutik. Txartelak eskuragai daude www.bertsosarrerak.eus atarian 15 euroren truke.
Zure inguruan Sarara joateko autobus zerbitzurik antolatu ote den jakiteko, jarri harremanetan zure lurraldeko Bertsozale Elkartearekin.
Larunbatean 21:00etan ETB1en 2025-03-20
Martxoak 8 - Emakumearen Nazioarteko Eguna 2025-03-05
