altxa kopla hori 2019-06-12

Oionen amaituko da aurtengo Altxa Kopla Hori!

Kopla doinutan eta musikarien laguntzarekin kantaturiko bertso saio musikatuak antolatu ditu Arabako Bertsozale Elkarteak. Ostiralean izango da azken saioa.

Aste honetan amaituko da 2019ko Altxa Kopla Hori!. Laudion, Kanpezun eta Izarran egin dituzte kopla saio musikatuak, eta Oionen egingo dute azken geldialdia ostiralean, ekainak 14, 20:30ean herriko plazan.

Kantuan lau bertsolari hauek arituko dira oraingoan: Paula Amilburu, Unai Bengoetxea, Xabi Igoa eta Felipe Zelaieta. Gai jartzailea Arantxa Sobrino izango da, eta musikariak, berriz, Iker Olabarrieta eta Julen Zabala.