arabako bertsozale elkartea 2019-06-14

Arabako Bertsozale Elkartea omenduko dute Araba Euskarazen

Araba Euskaraz Gasteizen ospatuko da igande honetan, ekainak 16, eta Armentia Ikastolari eman nahi zaio sustengua oraingoan. Ikastolek Araba Euskaraz egunean norbait omentzeko ohitura dutenez, aurten Arabako Bertsozale ElkarteaA izango da zorteduna. 

Eskola orduetan eta hortik kanpo bertsozaletasunaren alde egiten duen lana eskertu nahi diote Elkarteari. Armentia Ikastolan bertsolaritza lantzen dute LH-n, eta DBH-n Bertsoa Bizi Gazte programa gidatzen du Elkarteak. Horrez gain, eskola orduz kanpo eskaintzen den Bertxilika bertso eskolan ere elkartzen dira gazteak. 

Keinu honen bitartez, esker ona eta etorkizunerako elkarlana eskaini nahi diete Armentia Ikastolako kideek Arabako Bertsozale Elkarteari.