agenda 2019-06-28

Bertso saioak nonahi asteburu honetan ere

Ekainak 28, ostirala

Zaldibarren "Bollo bertso saioa" egingo da 18:00etan, plazan. Kantuan arituko dira Amaia Agirre, Maider Arregi eta Eli Pagola. Gai jartzailea Danele Sarriugarte izango da.

Berriatuan "Berritxu Saria" jokatuko dute 19:00etan, Zentralean. Zortzi gaztek hartuko dute parte: Irati Alcantarilla, Bittor Altube, Aroa Arrizubieta, Nahia Ibarzabal, Garazi Navarro, Maite Sarasola, Aitor Tatiegi eta Ekiñe Zapiain.

Portugaleten bertso afaria antolatu dute 22:00etan, merkatuan. Bertan izango dira Onintza Enbeita, Nerea Ibarzabal eta Aitor Sarriegi. 

Deban bertso saio literarioa egingo da 22:00etan, plazan. Kantuan: Uxue Alberdi, Ane Labaka eta Maialen Lujanbio. Gai jartzaile: Danele Sarriugarte. 

Bertso gehiago Donostian eta Erratzun. 

Ekainak 29, larunbata

Irisarrin, EHZ festibalean, bertso poteoa egingo da 12:00etan. Xumai Murua eta Maddi Sarasua arituko dira kantuan. 

Gasteizko Aranbizkarra auzoan, festen harira, bertso-alboka poteoa antolatu dute 12:30erako. Oihane Perea eta Iñaki Viñaspre izango dira bertan. 

Mungian San Pedro eguneko saioa antolatu dute, 20:00etan. Bertsolariak: Igor Elortza, Onintza Enbeita, Jexux Mari Irazu eta Jone Larrinaga. 

Lasarte-Orian bi bertso zita izango dira festetako larunbatean: 19:30ean bertso poteoa antolatu dute Okendo plazatik Haizea Arana, Oihana Arana, Lierni Rekondo eta Maite Sarasolarekin; 22:30ean, berriz, jaialdia izango da Kultur Etxean. Kantuan: Miren Amuriza, Asier Azpiroz, Andoni Egaña, Ane Labaka, Maialen Lujanbio eta Unai Muñoa. Gai jartzailea: Maddi Labaka. 

Bertso gehiago Agoitzen, Zeanurin, Laudion, Soraluzen, Aian eta Arbizun.  

Ekainak 30, igandea

Donezteben bertso jaialdia egingo dute 12:30ean Santa Luzia plazan. Han izango dira Onintza Enbeita, Xabat Illarregi eta Julio Soto. Gai jartzailea Maialen Belarra izango da. 

Sopelako jaietan, txosnagunean, bertso saioa hasiko da 13:15ean. Oihana Bartra, Andoni Egaña, Arrate Illaro eta Eneko Lazkoz izango dira kantuan. Gai jartzaile lanak Haritz Urrutikoetxeak egingo ditu. 

Dimako jaietan ere jaialdia antolatu dute, 18:30ean. Kantuan: Oihana Bartra, Onintza Enbeita, Xabat Galletebeitia eta Nerea Ibarzabal arituko dira. 

Igeldon saioa egingo dute 19:30ean. Andoni Egaña, Aitor Mendiluze, Eli Pagola eta Iker Zubeldia izango dira bertan. 

Bertso gehiago Ziortza-Bolibarren, Bergaran eta Asteasun.