gazte sariketak 2019-07-01

Irati Alcantarillak irabazi du Berritxu Saria

Argazkia: Ander Txakartegi

Euskal Herriko hainbat lurraldetako zortzi gaztek kantatu zuten ostiralean Berriatuan.

Euskal Herri mailako bertsolari gazteen sariketa da Berritxu Saria, dagoeneko ibilbide luzea daukana. Aurten ere antolatu dute, eta Irati Alcantarilla urruñarrak eskuratu du lehen saria.

Ekainaren 28an egin zen sariketa, ohi bezala, Zentrala eraikineko bideo gelan. Hauek izan ziren beste zazpi parte hartzaileak: Maite Sarasola, Nahia Ibarzabal, Garazi Navarro, Ekiñe Zapiain, Aitor Tatiegi, Aroa Arrizubieta eta Bittor Altube. Azken hiru hauek sailkatu ziren, irabazlearekin batera, bigarren fasera.

Epaile lanetan Iñigo Gogenola, Aitor Basterretxea eta Ander Txakartegi aritu ziren.