bertso udalekuak 2019-07-01

Hastear dira aurtengo Bertso Udalekuak

Hastear dira aurtengo Bertso Udalekuak
Duzunaritzen izango da lehenengo txanda. Gero etorriko dira Uitzi, Aubixa, Orio eta Zuhatza.

12 eta 13 urteko gazteak izango dira 2019ko Bertso Udalekuetaz gozatzen lehenak. Uztailaren 4an iritsiko dira Duzunaritzeko Etxartia etxera eta han izango dira uztailaren 10era arte.

Txanda sorta baten lehen katebegia baino ez da izango lehen egonaldi hau, beste lau etorriko baitira atzetik: Uitzin, Aubixan eta Orion izango dira udalekuak uztailean, eta Zuhatzan izango da azkena abuztuan. Euskal lurralde osoko 9 eta 18 urte bitarteko gazteek hartzen dute parte Bertso Udalekuetan; guztira, 200 bat parte hartzaile izango ditu aurten.

Haiekin batera izango dira hezitzaileak, zuzendari, begirale, sukaldari zein begirale praktikak egiten ariko diren zenbait kide: 40 hezitzaileok prestaketa saioa egin zuten maiatzean, Amasa-Villabonako Subijana etxean bertan eta, besteak beste, transexualitatearen gaia landu zuten Naizen elkarteko Bea Server eledunaren eskutik.

Albiste gehiago

XXVII. BBK sariketa 2019-04-04

Durangaldea nagusi BBk sariketan