Festetako saioak 2019-07-01

Festa eta bertsoa elkarren eskutik

Uztailak 1, astelehena

Usurbilen urteroko bertso jaialdia antolatu dute frontoian, 22:30ean. Kantuan Miren Artetxe, Oihana Bartra, Aitor Mendiluze eta Julio Soto arituko dira. Gai jartzen, berriz, Inaxio Usarralde.

Donezteben "Plaza irrintzika" haurrentzako emanaldia eskainiko du Eneko Arratek 20:00etan, plazan.

Uztailak 2, asteartea

Altzan, Donostian, bertso saioak izango dira 13:30ean eta 19:00etan Altzagainako San Martzial plazan. Andoni Egaña eta Jon Maia izango dira bertan, Joseba Alkizaren esanetara.

Berrizen ere saioa antolatu dute txosnagunean, 19:15ean. Kantuan Bittor Altube, Maider Altuna, Iruri Altzerreka eta Eider Gallastegi arituko dira.

Bertso gehiago Zumarragan eta Ataunen.

Uztailak 4, osteguna

Mungian "Boga jaia" antolatu dute, eta "Beer-tso dastaketa" egingo dute horren baitan. Kantura gonbidatu dituzte Onintza Enbeita, Mikel Goiriena, Jone Larrinaga eta Fredi Paia.

Legazpin "Esku (h)arria. Oteizaren haria" emanaldia eskainiko dute, Nerea Elustondoren parte hartzearekin. Kale Nagusian izango da, 19:00etan.