Bertsozale Elkartea 2019-07-03

Martxoan erreleboa emango zuela iragarri zuen Aritz Zerainek Bertsozale Elkarteko koordinazio lanetan. Elkartearen dimentsio handia egokiago kudeatzeko eta mugimenduaren aurrerako beharrei hobeto erantzuteko, biko koordinazioaren formularen alde egin du zuzendaritzak egiteko hori betetzeko.
Udaren atarian gauzatu da aldaketa: honenbestez, Idoia Trenor eta Jon Agirresarobe "Torrotxo" dira Bertsozale Elkarteko koordinatzaile berriak.
Artearen Historian lizentziatua da Trenor, eta Euskal Kulturgintzaren Transmisioa graduondokoa egina du. Gaztetatik hainbat elkartetako kide izan da. Azken urteak euskalgintzan eta feminismoan eman ditu lanean: Euskal Herriko Bilgune Feministan eta Bagera Donostiako Euskaltzaleen Elkartean.
Giza Zientziak eta Komunikazioan lizentziatua da Agirresarobe, eta Euskadi Irratian aritu zen esatari lanetan. Azken hamaika urteak Bertsozale Elkartean bertan egin ditu, Sustapen Saileko eragile, eta azken hiru Bertsolari Txapelketa Nagusien koordinatzailea izan da. Euskal Kulturgintzaren Transmisioa graduondokoa ere amaitua du berak, eta Kultur Kudeaketako masterra ari da egiten.
Datozen urteei eskarmentuz eta indar berriz, ezagutzaz eta bisio zabalez aurre egiteko moduan izango gara, koordinazio bikoarekin eta lantalde guztiarekin.
Xabi Paya Ruiz - 'Ganbarako lana' antzezlanaren egilea 2026-02-17
Aitor Etxebarriazarra Gabiola - Bizkaiko Txapelduna 2025-12-23
Jexux Mari Irazu
Bizkaiko finala larunbatean Bilbon 2025-12-17
Jexux Mari Irazu
Larunbatean 21:00etan ETB1en 2025-12-04
Mirari Martiarena
Nafarroako Bertsolari Txapelketa - Finala 2025-11-21
Jexux Mari Irazu
Aitor Bizkarra Ruiz - Bizkaiko Bertsolari txapelketa 2025-10-28