Lanku Beka 2019-07-03

Abian da bertso edukien sormenerako III. Lanku Beka

Bi helburu nagusirekin jaio zen Lanku Beka egitasmoa. Batetik, bertsolaritza muinean duen emanaldi berriak sortu eta laguntzea, eta bestetik, Lankuren eta sortzaileen arteko elkarlana sustatzea eta sendotzea. Horretarako bertsoa oinarri izango duen emanaldi berri baten gidoia eta emanaldia sortu eta garatzea da egin beharreko lana. Emanaldien gaia eta helburu-hartzailea libreak dira.

Lanku Bekan adin nagusikoak diren bertsolariak, gai-jartzaileek eta bertso-eskoletako kideek hartu ahal izango dute parte. Lanak aurkezteko epea uztailaren 24an amaituko da eta sarituaren berri irailaren 5a baino lehen emango da.

Lau kidek osatuko dute Lanku Bekako epaimahaia eta hauek izango dira lanak baloratzeko irizpide nagusiak: bertsolaritzak duen zentralitatea; ideiaren, formatuaren eta gidoiaren orijinaltasuna; helburu-publikoarengana ailegatzeko aukerak; hizkuntza egokitasuna eta gizarte mailako ekarpena.

Xehetasun guztiak eta oinarriak hemen aurkituko dituzue.