Jaietako bertso saioak 2019-07-31
San Inazio jaietako bertso saioa egingo da Altzon
Sei bertsolariko jaialdia antolatu dute aurten ere Altzoko jaietan.
Altzoko San Inazio jaiak amaitzear daude. Gaur, hilak 31, bertso saioa egingo da gaueko 22:30ean, frontoian.
Kantuan, sei bertsolari hauek: Miren Artetxe, Amets Arzallus, Andoni Egaña, Nerea Ibarzabal, Maialen Lujanbio eta Unai Mendizabal. Manuel Olanok egingo ditu gai jartzaile lanak.
Ondoren, Drindots taldearen erromeriarekin emango zaie itxiera jaiei.
