Jaietako bertso saioak 2019-08-14
Bertso saioak Gabirian, Etxanon eta Algortan
Hainbat herritako jaiak ospatzen dira abuztuko aste honetan, eta askok egin diote lekua bertsoari beraien egitarauan.
Asteazkena, hilak 14, bertso saioak antolatu dituzte Gabirian, Etxanon eta Algortako Portu Zaharrean, besteak beste. Hemen informazio gehiago:
Algorta
Portu Zaharreko Etxetxu plazan, 17:30ean, kantuan izango dira Maider Barañano, Kerman Diaz eta Unai Mendiburu.
Gabiria
Plazan egingo da saioa, 19:00etan. Bertsolariak: Unai Agirre, Amets Arzallus, Nerea Ibarzabal, Endika Igartzabal, Joanes Illarregi eta Sebastian Lizaso.
Etxano
Etxanoko frontoian izango da, 22:30ean. Bertara gonbidatu dituzte Uxue Alberdi, Amets Arzallus, Sustrai Colina eta Onintza Enbeita.
