agenda 2019-08-16

Jarraitu asteburuko bertsoen haria

Abuztuak 16, ostirala

Donostian, 12:30ean Easo plazan kantuan arituko dira Uxue Alberdi, Amets Arzallus, Nerea Ibarzabal eta Manex Mujika, Amaia Agirreren gaiei erantzunez. 

Arratsaldean, Donostiako Gaskuña plazan haurrentzako "Girotu plaza" ikuskizuna eskainiko du Eneko Arratek, 17:30ean. 

Arantzan, 18:30ean plazan egingo da bertso saioa. Kantuan: Amaia Agirre, Oihana Iguaran, Aitor Mendiluze eta Aitor Sarriegi. 

Zerainen, afalondoan, Maialen Akizu eta Sebastian Lizaso arituko dira bertsotan herriko plazan. 

Abuztuak 17, larunbata

Ondarroan, Alamedan eta Alde Zaharrean zehar ibiliko dira kantuan Maialen Lujanbio eta Fredi Paia, 13:00etatik aurrera. 

Deban, 12:00etan Igaza tabernatik hasita, Nerea Elustondo eta Julio Soto arituko dira bertsotan. 

Donibane Garazin Ezkorbruten bertso emanaldia eskainiko dute ilunabarrean plazan. Bertsolariak: Karlos Aizpurua, Gillen Hiribarren eta Mizel Mateo. 

Abuztuak 18, igandea

Bilbon, Santiago plazan, 13:00etan, Miren Amuriza, Amets Arzallus, Arkaitz Estiballes eta Julio Soto izango dira jaietako lehenengo saioan. 

Donamarian egun osoz arituko dira bertsotan Aitor Mendiluze eta Jone Uria. 

Markina-Xemeingo San Jazinto ermitan saioa egingo dute 12:30ean Juan Mari Areitio, Xabier Arriaga "Txiplas" eta Nerea Ibarzabal.