xalbador eguna 2019-08-21

Bertsopaper lehiaketa antolatu dute Xalbador Egunaren harira

Irailaren 30era bitarteko epea egongo da bertsopaperak bidaltzeko, eta aurtengo Xalbador Egunetan egingo da sarien ematea: urriaren 12tik 13ra.

2019ko Xalbador Egunak urriaren 12an eta 13an ospatuko dira Urepelen, eta aurten Etxahun Barkoxe omenduko da bertan. Egitarauaren xehetasunak hurrengo hilabetean argitaratuko dira, baina bitartean bertsopaper lehiaketarako deialdia zabaldu du Deiadarra elkarteak, haur zein helduei zuzendua.

Hemen lehiaketaren baldintzak:

Haurren maila

Parte hartzaileak: 15 urtera arteko haur eta nerabeak.
Bakoitzaren lana:
- Gutxienez 4 bertso, eta gehienez 8.
- Gaia: Librea, beti ere Xalbador gogoan.
- Bertso berriak izan beharko dira.
- Sari berezi bat izango da baxenabarreraz idatzitako bertsopaper onenarentzat.
- Parte hartzaile bakoitzak sorta bakarra igor dezake.
Epeak eta baldintzak:
- Lanak igortzeko azken eguna: 2019ko irailak 30.
- Bertso-sorta ezizenez sinatu beharko da; beste gutunazal itxi batean sartuko dira egilearen izen-deiturak eta helbidea, kanpotik ezizena bakarrik ezarrita.
- Lanaren hiru kopia igorri beharko dira.
Nora igorri:
- Deiadarra elkartea. Mendi Xola etxea, Okoze auzoa. 64430 Baigorri (Baxenafarroa)
Sariak:
1. 200 euro eta opariak.
2. 80 euro eta opariak.
3. Opari berezia.
Epaiketa:
- Deiadarra elkarteak hautatutako epaimahaiaren erabakiak aldaezinak izango dira.
- Epaimahaiak hala erabakiz gero, aipamen berezia egin ahal izango du.

Helduen maila

Parte hartzaileak: 16 urtetik gorako edonor.
Bakoitzaren lana:
- Gutxienez 6 bertso, eta gehienez 8.
- Gaia: Pierre Topet Etxahun koblakaria.
- Bertso berriak izan beharko dira.
- Sari berezi bat izango da baxenabarreraz idatzitako bertsopaper onenarentzat.
- Parte hartzaile bakoitzak sorta bakarra igor dezake.
Sariak:
1. 400 euro.
2. 200 euro.
3. Opari berezia.