gazte sariketak 2019-09-02

Osatu da Lizardi Sariketaren finala

Osatu da Lizardi Sariketaren finala
Joan den astean jokatutako bi kanporaketetatik sei bertsolarik eskuratu dute finalerako txartela. Irailaren 6an izango da, 22:00etan, Modelo Aretoan.

Guztira 16 bertsolarik kantatu dute aurtengo 43. Lizardi Sariketaren bi kanporaketetan, eta horietako sei igaro dira finalera: Jon Gurrutxaga, Aitor Bizkarra, Maider Arregi, Joanes Illarregi, Maddi Ane Txoperena eta Unai Izagirre.

Ostegunez eta ostiralez jokatu dira bi kanporaketak, 22:00etan, Zarauzko Imanol Urbieta Musika Eskolan. Abuztuaren 29ko saiotik Jon Gurrutxaga eta Aitor Bizkarra sailkatu dira puntuazioz. Kantukide izan dituzte Uxue Alkorta, Joritz Bastarrika, Jokin Bergara, Gorka Pagonabarraga, Sarai Robles eta Mikel Tapia, Jone Lizarralde aurkezlearen esanetara.

Abuztuaren 30eko saiotik Maider Arregi, Joanes Illarregi, Maddi Ane Txoperena eta Unai Izagirre izan dira puntuazio altuena eskuratu duten bertsolariak. Libe Goenaga, Eñaut Martikorena, Maddi Sarasua eta Aimar Sorazu izan dituzte kantukide, eta aurkezle lanak Peru Gabirondok egin ditu.

Irailaren 6an izango da zer entzuna Zarauzko Modelo Aretoan, eta joaterik ez dutenek bertsoaldien hautaketa izango dute eskura hurrengo astean bertsoa.eus-en.

Albiste gehiago

gipuzkoako bertsolari txapelketa 2019-09-09

Gipuzkoako Txapelketa: dena(k) prest

Gipuzkoako Bertsolari Txapelketa 2019-04-09

Maiatzaren 4an hasiko da Gipuzkoa Bertsotan