bertsopaper lehiaketak 2019-09-04
Seigarrenez jantzi du Basarri Bertsopaper Sariko txapela Ekaitz Goikoetxeak. Aurtengoa sariketaren 35. edizioa izan da, eta guztira 16 lan aurkeztu dira. Goikoetxeak "gizartearen abiadura eta aspirazioak" kritikatzen dituen sorta batekin irabazi du lehenengo saria, "Nola ez dakizun hori" izenburuarekin.
Aner Peritzek eskuratu du bigarren saria "Zer ez izan" bertso sortarekin. "Norberaren identitateak sorrarazten dituen kezkak eta galderak" izan ditu hizpide zarauztarrak. Bestalde, Julen Zulaikaren "Zarauzko Merkatu Plaza" sortak ere aipamen berezia jaso du. Sorta guztiak irakurgai daude hemen.
Omenaldia Rufino Iraolari
Sari-banaketaren amaieran Rufino Iraola omendu dute, hainbat urtez lehiaketa honetan eta Lizardi sariketan ere epaile lanetan aritua. Iñigo Mantzizidor "Mantxi"-k Iraolaren lau bertso kantatu ditu bere oroimenez.
Iturria: Zarauzko Hitza
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15