gipuzkoako bertsolari txapelketa 2019-09-09

Gipuzkoako Txapelketa: dena(k) prest

Asteasuko plazan bildu dira gaur goizean datorren larunbatean hasiko den Gipuzkoako Bertsolari Txapelketako parte hartzaileak. Herriko alkate Pili Legarrak eta Gipuzkoako Bertsozale Elkarteko lehendakaria den Saroi Jauregik egin die ongi etorria eta ekitaldi laburrean txapelketako sintonia eta aldizkaria aurkeztu dituzte.

Sintonia Don Inorrez musika taldeak sortu du eta irailaren 14tik abenduaren 14ra bitartean saioz saio entzungo da Gipuzkoan barrena. Hemen dago entzungarri.

Txapelketako aldizkaria ere banatu da amaieran. Gipuzkoako Bertsozale Elkarteko bazkideek datozen egunetan jasoko dute etxean eta saioetan ere eskuratu ahal izango da.Hemen ere deskargatu daiteke.

Honenbestez, dena prest da datorren larunbatean, irailaren 14an, Oñatin Gipuzkoako Bertsolari Txapelketari ekiteko. Saio guztietarako sarrerak salgai dira www.bertsosarrerak.eus webgunean.