Nafarroako Txapeldunorde izana bitan 2019-09-12
Jon Barberena bertsolaria zendu da bart. Plazan, txapelketan eta bertso jarrietan egin zuen bertso bidea. Nafarroako Txapeldunorde izan zen bitan. Bertso iruzkigile lanak ere egin zituen, azkena joan den udaberrian, Nafarroako finalean.
2004an hartu zuen parte lehen aldiz Nafarroako Bertsolari Txapelketan. Ordutik aurrerako edizio guztietan aritu zen, 2015era arte. Horietako bitan, 2007 eta 2008an, txapeldunorde izan zen, Xabier Silveira eta Julen Zelaietaren atzetik, hurrenez hurren.
Nafarroako bestelako sariketa eta taldekako txapelketetan ere luze ibili zen. Xalto Sariketako txapeldun izan zen 2003an, eta hurrengo urtean, 2004an, irabazi zuen Izeta Sariketa ere bai. 2014an, Bardoak Nafarroako taldekako bertso txapelketan txapeldun atera zen, Baztango taldearekin batera. Baztango Bertso Eskolako kide ere bazen.
Bertsopaper idazle oparoa ere izan zen, eta hainbatetan lortu zituen sariak Iruñeko Egile Berrientzako literatur lehiaketan. Poesian ere aritu zen, arrakastaz: 2006an “Iruñea Hiria” Nazioarteko Poesia Sariketa irabazi zuen, eta 2018an eskuratu zuen Lauaxeta Olerki Sariketa.
Hemen Jon Barberenaren bertso zenbait, Bertsoa.eus-en argitaratuak.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15