bertsoa eta zientzia 2019-09-27

Bertsolaritza 'Passion For Knowledge' jardunaldietan

Bertsolaritza 'Passion For Knowledge' jardunaldietan
Datorren asteazkenean, urriak 2, bertsoa eta zientzia elkartuko dira Donostiako Victoria Eugenia Antzokian.

Passion for Knowledge (P4K) ezagutzarekiko pasioa ospatzen duen jaialdia da. Laugarren edizioa 2019ko iraileran 30etik urriaren 5era egingo da Donostian, egoitza nagusi duen hirian, eta baita Bilbon eta Iruñean ere. Donostia International Physics Center (DIPC) ikerketa zentroa da jaialdiaren antolatzailea.

Azken urteotako aurkikuntza zientifiko garrantzitsuenetakoen protagonista izan diren ikertzaile handiek parte hartzen dute jaialdian. Edonoren esku dago hitzaldietara joatea -Victoria Eugenia antzokian, Guggenheimen edo Baluarten egingo dira- eta Nobel saridunekin eta mundu mailako adituekin ikasten jarraitzea.

"Bertso Passion"

Jaialdiaren programak, hitzaldiak ez ezik, beste hainbat jarduera barnebiltzen ditu, tartean bertsoa eta zientzia uztartuko dituen saio bat. Urriaren 2an izango da, arratsaldez,  Victoria Eugenia Antzokian. Bertso Passion saioa irekia eta doakoa da antzokiaren edukiera bete arte, baina aldez aurretik izena ematea komeni da.

Lau bertsolari eta lau zientzialari igoko dira oholtzara, eta hainbat aurkikuntza zientifikori buruz arituko dira hizketan eta kantuan. Bertsolariak, oraingoan, Amets Arzallus, Andoni Egaña, Maialen Lujanbio eta Iñaki Murua izango dira, eta Felix Zubiak egingo ditu aurkezle eta gidaritza lanak. 

Saioa zuzenean jarraitu ahal izango da streaming bidez, eta aldi bereko itzulpen zerbitzua eskainiko da ekitaldia euskaraz, gaztelaniaz eta ingelesez jarraitu ahal izateko.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin