Gipuzkoako Bertsolari Txapelketa 2019-09-30

Unai Mendizabalek eta Ane Labakak eskuratu dute final-laurdenetarako txartela

Zumarraga-Urretxu

Zelai Arizti Aretoan jokatu da larunbat honetan Gipuzkoako Bertsolari Txapelketako bosgarren final-zortzirena. Unai Mendizabalek lortu ditu puntu gehien: 449,5 puntu. Beraz, urriaren 19an Andoainen jokatuko den final-laurdenean kantatuko du zizurkildarrak. Hauek izan dira gaur bertsolariek lortutako puntuazioak: 

• Unai Mendizabal 449,5
• Nerea Elustondo 439,5
• Iñigo Izagirre 419
• Mikel Tapia 417
• Eli Pagola 416
• Iker Ormazabal 378

Elgoibar

Herriko Antzokiko azken aurreko final-zortzirenean Ane Labakak lortu ditu puntu gehien, 458,5 puntu. Lasartearrak azaroaren 2an Azkoitian jokatuko den final-laurdenean kantatuko du. Horrela geratu dira Elgoibarko puntuazioak:

• Ane Labaka 458,5
• Jokin Uranga 443,5
• Eñaut Martikorena 437
• Iñaki Gurrutxaga 430
• Unai Gaztelumendi 424,5
• Endika Igartzabal 403,5

Aurkezle lanak Ane Ezenarrok egin ditu eta epaimahaiko kideak hurrengoak izan dira: Eneritz Azkue, Karlos Ibarguren, Leire Beloki, Mikel Lersundi eta Mikel Urteaga. Idazkari lanetan, berriz, Gorka Segurola aritu da.

Datorren larunbatean, urriak 5, jokatuko da azken fina-zortzirena Lasarte-Orian.