gipuzkoako bertsolari txapelketa 2019-10-01
Lasarte-Oriako saioa Manuel Lekuona Kultur Etxean jokatuko da, 17:00etan hasita. Kantuan arituko den seikotea, hurrengoa:
• Aitor Salegi
• Eneko Araiztegi
• Iñaki Zelaia
• Mikel Artola
• Oier Aizpurua
• Unai Izagirre
Imanol Artolak egingo ditu aurkezle lanak. Epaimahaiko kideak hurrengoak izango dira: Eneritz Azkue, Karlos Ibarguren, Leire Beloki, Mikel Lersundi eta Mikel Urteaga. Idazkari lanetan, berriz, Ane Errazkin ariko da.
Saioko irabazlea zuzenean sailkatuko da final-laurdenetara eta gainontzeko bertsolariek puntuazioaren arabera edukiko dute horretarako aukera.
Final-zortzirenetako saioetan bertsolariek egin beharreko lanak honakoak izango dira:
• Binaka, gaia emanda, zortziko handian hiruna bertso.
• Binaka, gaia emanda, zortziko txikian hiruna bertso.
• Bakarka, lehen puntua emanda, zortziko txikian bina bertso.
• Binaka, gaia emanda, hamarreko txikian hiruna bertso.
• Kartzela: bakarka, gaia emanda, nahi den doinu eta neurrian, hiruna bertso.
Sarrerak salgai daude, beti bezala, www.bertsosarrerak.eus webgunean eta, aurrez agortzen ez badira, txarteldegian ere eskuratu ahal izango dira, 16:00etatik aurrera.
Larunbatean 21:00etan ETB1en 2025-09-10
Nerea Bruño - Nafarroako bertsozale Elkateko lehendakaria 2025-09-08
Larunbat gauean 21:00etan Mirari Martiarenak aurketuta 2025-09-02
Basarri Saria irabazi duen sorta da 2025-07-11
Unax Aizpurua Ibargarai - Euskal Herriko Eskolarteko txapelduna 2025-06-16