agenda 2019-10-04

Giro kaskarrarentzat, bertso saio jasa!

Urriak 4, ostirala

Basauriko San Migel auzoan bertso poteoa egingo dute 19:00etan, Oihana Bartra eta Arkaitz Estiballesekin. 

Barañainen I. Txana Bertso Sariketa antolatu dute. Gaztetxean izango da, 20:30ean. Euskal Herriko hainbat txokotako bertsolari gazteak gonbidatu dituzte kantura: Irati Alcantarilla, Oihana Arana, Beñat Astiz, Xabat Illarregi, Gorka Pagonabarraga eta Maite Sarasola. Gai-jartzale lanak Idurre Villanueva del Burgok eta Zuhara Zaratiegik egingo dituzte. 

Aramaion bertso afaria egingo da Untzilla auzoan, 21:30etik aurrera. Bertsolariak: Agin Laburu eta Aitor Sarriegi. 

Iurretan jaialdia egingo da 22:00etan. Bertsolariak: Txaber Altube, Amets Arzallus, Igor Elortza, Onintza Enbeita, Unai Iturriaga eta Maialen Lujanbio. Gai-jartzailea: Maite Berriozabal. 

Oñatin ere urteroko jaialdia antolatu dute Zubikoa kiroldegian, 22:30ean. Kantuan: Unai Agirre, Andoni Goitia, Nerea Ibarzabal, Oihana Iguaran, Aitor Mendiluze eta Iker Zubeldia. Gai-jartzailea: Egoitz Atxaga. 

Bertso gehiago Amezketan, Usurbilen eta Bergaran. 

Urriak 5, larunbata

Lasarte-Orian Gipuzkoako Bertsolari Txapelketaren azken final-zortzirena jokatuko da. Manuel Lekuona kultur etxean izango da, 17:00etan. Bertsolariak: Oier Aizpurua, Eneko Araiztegi, Mikel Artola, Unai Izagirre, Aitor Salegi eta Iñaki Zelaia. Aurkezlea: Imanol Artola. 

Urizaharran, Araba Bertsozale egitasmoaren baitan, bertso poteoa egingo dute 20:30ean, plazatik hasita. Kantuan: Aroa Arrizubieta eta Iñaki Viñaspre. 

Tafallan Elkartasun Eguna antolatu dute, eta 12:00etan "Ez Da Kasualitatea" bertso saio musikatua egingo da. Bertsolariak: Uxue Alberdi, Onintza Enbeita, Alaia Martin eta Sarai Robles. Gai jartzailea: Danele Sarriugarte. Musikariak: Araitz Bizkai eta Gari Otamendi.  

Alduden Taldekako Xilabaren Ligaxka jokatuko da 19:00etan, Alfaro jatetxean. "Kontrabanda" eta "Hasta la 2toria" taldeak arituko dira kantuan. Eta Urruñan, ordu berean jokatuko da beste Ligaxkako saio bat, Pausun, Xaia ostatuan. Hemen "Ez otoi pentsa" eta "Barça" taldeek kantatuko dute. 

Zumaian, Emakumeen Etxearen inaugurazioan, "Ez Da Kasualitatea" bertso saio musikatua antolatu dute 19:00etarako. Bertsolariak: Ainhoa Agirreazaldegi, Uxue Alberdi, Onintza Enbeita eta Ane Labaka. Gai-jartzailea: Maddi Labaka. Musikariak: Araitz Bizkai eta Gari Otamendi. 

Galdakaon bertso bazkaria antolatu dute Elexalde auzoan, 14:00etan. Etxahun Lekue eta Angel Mari Peñagarikano gonbidatu dituzte kantura. 

Bertso gehiago Irunen, Arbizun, Antzuolan eta Diman.

Urriak 6, igandea

Zaldibian Aitor Mendiluze eta Jone Uria arituko dira kantuan goizean eta bazkaritan.

Oñatin balkoitik balkoirako saioa antolatu dute 20:00etan, Kale Nagusian. Andoni Egaña eta Sebastian Lizaso gonbidatu dituzte. 

Bertso gehiago Ortuellan.