Igandero ETB 1en 2019-10-10

Zientzia eta bertsoa uztartuta, denboraldiko bigarren Hitzetik Hortzeran

Pedro Migel Etxenikerekin solasean

Donostian antolatzen diren “Passion for knowledge” jardunaldietan bertsoak badu bere tartea eta horren bultzatzaile da Pedro Migel Etxenike: zientzialari ezagun eta bertsozalea. Hark eman digu bertsolaritzarekiko duen miresmenaren berri eta, horrez gain, bertsoa eta zientzia zerk lotzen dituen azaldu digu.

Antton Telleriaren kuttunak

Goizez irratian eta gauez telebistan, Antton Telleria etengabeko komunikazio lanean aritzen da. Eta halako hitz-jokoen maitale batek, bertsozalea izan behar zuen nahitaez. Amets Arzallusek Euskal Herriko txapela irabazi zuenean botatako agurra du bere bertso kuttunena eta horren arrazoiak adierazi dizkigu.

Igande eguerdian ETB1n

Hori dena igandean, 15:00etan, Euskal Telebistako lehen katean; eta zuzenean ikusi ezin duenak Internetez ere izango du aukera, EITB Nahieranen.