Bertsokabi gazte sariketa 2019-10-18
Irati Majuelo eta Alazne Untxalo Bertsokabiko finalera
Irati Majuelo eat Alazne Untxalo
Mendillorriko Antzaran jokatu da 2019ko Bertsokabi gazte sariketako hirugarren eta azken kanporaketa. Kantuan aritu dira Endika Legarra eta Joanes Illarregi, Etxahun Azkarraga eta Patxi Castillo eta Irati Majuelo eta Alazne Untxalo. Azken bikoteak irabazi du kanporaketa eta beraz finalerako txartela eskuratu dute.
Finala, urriaren 24an Iruñean
Kanporakea guztiak jokatu ostean erabakita geratu da finalean izango diren hiru bikoteak zeintzuk izango diren; Alazne Untxalo eta Irati Majuelo, Aitor Irastortza eta Xabat Illarregi, Ekhiñe Zapiain eta Josu Sanjurjo. Finala Iruñeako Herriko tabernan izango da urriaren 24an arratsaldeko 18:30ean. Maialen Belarra ariko da gai-jartzaile, eta publikoarekin batera, Joseba Beltza eta Nerea Bruñok egingo dituzte epaile lanak.
Trebatzeko eta kantatzeko aukera
Nafarroako bertsolari gazteei trebatzeko eta jendaurrean kantatzeko aukera emateaz gain, Iruñerriko publikoa –bereziki gazteak- bertsozaletzeko xedea du sariketak, bertsoa hiriburuko eremu informaletara eramanez. Era berean, egitasmo horren bitartez, Eugenio Arraiza (Iruñea, 1936-2015) zenaren figurari gorazarre egin nahi dio Nafarroako Bertsozale Elkarteak.
