Igandero ETB 1en 2019-10-31

Gorputzak oholtzan duen eraginaz, igandeko Hitzetik Hortzeran

Bertsolaritza buru-ariketa da, baina ez hori bakarrik. Bertsolarien gorputzaren presentzia eta horrek kantuan duen eragina ez da txikia; honi buruz hitz egingo dugu Onintza Enbeitarekin eta Sustrai Colinarekin. Eta noski, bertsoaldirik onenak ikusgai.

Bertsolariak ez dira garuna bakarrik. Ikusi eta definitu daitezkeen gorputzak igotzen dira oholtzara: emakumeak, gizonak, transak, lodiak, argalak, burusoilak, iletsuak, zuriak... Askotan aipatzen diren ezaugarriak dira batzuk; inork aipatzen ez dituenak beste batzuk. Buruaz harago guztiak du zeresana, eta horretaz aritzeko jo du Hitzetik Hortzerak Onintza Enbeita eta Sustrai Colina bertsolariengana.

Bertsolaritza definitzerako garaian, hain garrantzitsua den gorputzak duen eraginaz galdetu diegu Onintza Enbeitari eta Sustrai Colinari. Nola baldintzatu ote du gorputzak haien bertso jarduna? Gorputzari buruz kantatzea askatzailea edo zapaltzailea izan daitekeen ere galdetu diegu, eta baita zer kantatzen dugun eta zer isildu.

Beasainen, Errenterian, Gasteizen, Gernikan, Iurretan eta Zaldibarren

Igande honetan, bertso sortez gozatzeko musika, bertsoa eta ilustrazioa uztartuko ditugu. Rosi Lazkanoren Hanka puntetan bertso sorta kantatuko du Maddalen Arzallusek; bertsoak musikatzeko ardura izango dute Araitz Bizkaik eta Gari Otamendik; eta bertsoak ilustratzeko ardura, aldiz, Txakur Gorriako Malen Amenabarrek eta Mariñe Arbeok hartuko dute.

Bestalde, Euskal Herriko hainbat txokotan izan diren bertsoaldiak ekarriko ditugu pantailara: Beasainen, Errenterian, Gasteizen, Gernikan, Iurretan eta Zaldibarren izango da Hitzetik Hortzera.

Igandero, 15:00etan, ETB1en; eta astelehenetik aurrera, EITB Nahieranen.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin