Taldekako Xilaba 2019-11-17

'Ez otoi pentsa' taldea irabazle Xilaban

'Ez otoi pentsa' taldea irabazle Xilaban

'Ez otoi pentsa' Taldea gailendu da II. Taldekako Xilabako finalean, larunbatean Izturitzen jokatutako finalean. Miren Artxete, Maddi Ane Txoperena, Gorka Artetxe eta Josu Txoperenak osatu dute Ez otoi pentsa taldea eta finalean Hasta la 2toria taldearekin batean aritu dira kantuan: Elixabet Etxandi, Lur Renteria, Maddi Sarasua, Hodei Renteria eta Leire Laskaraik osatutako ekipoa. Bertsoa.eus ere finalean izan zen eta astean zehar sarean izango da finaleko hautaketa zabala.

Irailaren 20an hasi zen Xilaba eta azaroaren 16an jokatuko da finala Izturitzen, bazkalondoan. Bidean 34 bertsolarik hartu dute parte bederatzi taldetan. 12 saio jokatuko dira. Bertsoa.eus ere finalean izango da bertako bertso hautaketa sareko plazara ekartzeko.

Taldekakoa eta buruz burukoa, txandaka

Aurtengoa bigarren taldekako Xilaba da Lapurdi, Baxenabarre eta Xiberoan. Iaz heldu zion Bertsularien Lagunak elkarteak dinamika honi eta aurrerantzean buruz buruko txapelketa eta taldekakoa txandakatuko dituen dinamika lehenetsi du. Heldu den urtean buruz burukoa jokatuko da.

(Erredakzioa)