"Houston, arazotxo bat daukagu" aurkezpena 2019-11-21

Bertso saio berezi baten testigantza, disko-liburu formatuan

1999ko abenduan Hernanin Joxerra Garziak gaiak jarrita Andoni Egañak egin zuen bertso saio bat disko liburu formatuan argitaratu du Lanku-k. Liburuxka, bertsoen transkripzioek eta Malen Amenabarren ilustrazioek osatzen dute

Lanku-k argitalpen berri bat aurkeztu du Donostian; "Houston, arazotxo bat daukagu" disko liburua hain zuzen ere. Andoni Egaña eta Joxerrra Garzia protagonista dituelarik.

Gai-jartzailearekin, bertsolari bakarrak osatutako saioa

1999ko abenduak 28. Hernani. Joxerra Garzia gai jartzen, eta bertsotan Andoni Egaña bakar-bakarrik. Lehenak egoera hainbat jarri eta bigarrena horietan guztietan kantuan. Saio bitxia bezain gogoangarria. "Bertsozalearentzat perla polita da entzuteko, ikusteko zein irakurtzeko" Marta Agirrezabala Lanku-ko koordinatzailea.

Elementuak iruditzen

Malen Amenabar ilustratzaileak ilustratu du Andoni Egañak eta Joxerra Garziak duela 20 urte Hernanin egindako emanaldia. Saioan zehar agertzen diren elementuak irudikatzea izan da Amenabarrek liburuxka ilustratzeko aukeratutako bidea. "Saioaren abiapuntua den izerberg baten itxura eman nion azalari, collage forman" Malen Amenabar.

Eskuragarri ohiko saltokietan

Eskuragarri egongo da lanku dendan, Durangoko Azokan; Bertsozale Elkartearen eta Lanku-ren mahaian  eta ohiko liburu dendentan.