Mutrikuko bertso-eskolak antolatu du 2009-07-22

Martxan dago Okelar bertsopaper sariketa

 Aurten ere Okelar bertsopaper sariketa antolatu du Mutrikuko bertso eskolak. Aurtengoa 25. edizioa izango da. Bi kategoria bereizi dituzte:

 Gazteek, 16 urtera artekoek alegia, gutxienez 3 bertso edo 6 kopla idatzi beharko dituzte. Irabazleak txapela, 90 euro eta oparia eskuratuko ditu. Bigarren gelditzen denak 50 euro eta oparia jasoko ditu. Azkenik, saritu gabeko lehenengo mutrikuarrari 30 euro eta oparia emango zaizkio.

 Helduek, 17 urtetik gorakoek, gutxienez 6 bertso idatzi beharko dituzte. Txapeldunak txapela eta 450 euro bereganatuko ditu eta bigarren gelditzen denak 250 euro. Saritu gabeko lehenengo mutrikuarrak, berriz, 100 euroko saria izango du.

 Lanek zenbait baldintza bete behar dituzte. Alde batetik, lanek argitaratu gabeak, inon saritu gabeak eta jatorrizkoak izan beharko dute. Bestalde, lanak bidaltzeko ere zenbait arau jarraitu behar dira. Hala, lanak izenordez sinatuko dira. Egilearen datuak beste gutunazal baten barruan joango dira.

 Bertso-sortak urriaren 12a baino lehenago bidali beharko dira. Posta arrunta erabiliz gero honako hau da helbidea:

 OKELAR bertso paper sariketa
 Mutrikuko Bertso Eskola
 Luardo etxea (Barrenkalea, z/g)
 20830 Mutriku

 Helbide elektronikoa, berriz, mutrikube@gmail.com da.

 Sariak Mutrikuko Santo Tomas ferian banatuko dira.

• 
•