None 2020-05-20

Lau bertso saio izango ditugu aste honetan Bertsoa.eus atarian

Lau bertso saio izango ditugu aste honetan Bertsoa.eus atarian
Aurreko astean hasitako bidaia amaituko dugu asteazkenean, eta, ostiralean hasita, hiru saio izango ditugu asteburuan: Orozkon, Bilbon eta Hondarribian.

Aurreko astean Beñat Gaztelumendirekin, Iker Iriarterekin, Josu Iztuetarekin eta Uxue Alberdirekin hasitako bidaia amaituko dugu bihar, asteazkenean.  80 mundutan barrena bidaiatzeko globo aerostatikoa 18:30ean aterako da Bertsoa.eus-etik.

Aste honetako bidaiaren hasiera baino ez da izango asteazkeneko saioa, Euskal Herriko plaza zenbait bisitatuko ditugulako Bertsoa.eus atarian. Ostiralean, Orozkoko Udalaren eskutik, Ez da kasualitatea bertso emanaldia izango dugu 19:30ean: Alaia Martin, Oihana Iguaran eta Onintza Enbeita ariko dira kantuan, Begoñe Olabarriak gidatuta eta Araitz Bizkai eta Gari Otamendi musikariek lagunduta.

Larunbatean, bi saio izango ditugu! Eguerdian Bilbo Hiria Irratiak antolatutakoa. Erlantz Ibargurengoitiak aurkeztuta, Alaia Martin eta Andoni Egaña ariko dira bertsotan. Eta egun berean, 17:00etan, Hondarribia Dantzan jarriko dugu Hondarribiko Udalaren, Kemen dantza taldearen eta Antxeta irratiaren eskutik. Antton Fernandezek gidatutako saioan, Beñat Gaztelumendi eta Alaia Martin ariko dira kantuan.

Eta, gainera, online eskaintzen diren bertso saioen hautaketa ere izango duzu gerora www.bertsoa.eus atarian, esku-eskura!

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"